Transcription
1
Monseigneur, encores que par ma dernière lettre vous aye
2
escrit que l’armée de Don Juan d’Austrie estoit allé
3
à Corffu sellon les advis qu’avions lors icy, si est-ce
4
qu’on escrit de Gênes qu’elle est encores à Messine
5
plus tost pour retourner en arrière que pour
6
s’avancer en Levant, pour le doubte qu’est en ladite
7
armée de rupture de paix et que 24 gallères
8
qui sont en Espagne et lesquelles le seigneur Juan
9
Andrea Doria attendoit à Gênes pour aller
10
treuver la susdite armée, ne bougeroit de
11
Espagne soubz couleur de voulloir aller en Argiers.
12
Ledit Doria ayant esté mandé pour aller treuver
13
don Juan, y est allé sans mieulx aultres gallère
14
que sa Capitaine. Les Turcs, avec 30 mille
15
homes de pied et 20 mille chevaux, ont secouru
16
Castelanovo. Monsieur l’evesque d’Ax, qui estoit
17
allé en Turquie pour le roy, est revenu à
18
Venize et despuis prins le chemin des Grisons pour
19
retourner en France, qu’est tout ce que vous puis
20
escrire pour cest heure, priant le Créateur
21
Monseigneur, vous donner en santé très heureuse
22
et longue vie. De Saluces, ce XIe julliet 72.
23
Votre très humble et très obéissant
24
serviteur
25
Mathieu Bovier